呢個係第一樣....應該無人唔識佢地~
無左佢地我就乜都唔使做既..較剪~....~佢地大概跟我左大半年
跟住就到第二樣
鋼梳~美國野......好貴好貴好貴........一般有養寵物既人都應該有一把~
第三樣....估唔估到係咩.....
似梳但又唔係.....好!!!開估呢把係........解結刀...無錯係刀.....其中一把我最唔鐘意用既工具....偏偏就成日都要用....
NO.4
個樣好似你睇仁心仁術裡面D手術鉗....佢都係其中一種~
但我地會用佢地幫貓狗洗下耳仔~拔下耳毛~
NO.5
好好用既洗耳水...雖然有小小味....但用佢洗完隻耳仔都可以KEEP住好乾爽
NO.6
都係關你寵物對耳仔事~
耳毛粉~ 落小小落耳仔度..先可以開始拔耳毛...無左佢...拔耳毛會痛好多嫁~
NO.7
※必備※ 止血粉~
遇到黑甲...剪甲時掙扎..又成日唔落街,血管生得好長既狗仔...
剪甲剪多左既時候..就會用到佢....
NO.8
呢把係代替品....未搵到把好順手既....
貓狗合用既甲鉗~無咩好介紹...不過一般寵物主人都應該買把學下幫自己既寵物剪~
不過學既同時..買埋上面樽止血粉~唔該 : D
NO.9
除左較剪之外...好主要既搵食工具
電剷....(呢個係我既新玩具) 佢好輕!好靜!仲要無線!同時配備9號10號15號30號40號刀頭.....
極方便.....
NO.10
針刷~都係人人都應該有一把~用途非常廣(養Poodle既更加唔可以....係唔可以無)
呢把仲可以開開合合....唔用既時候可以收埋D針
最後幫我呢班新既拍檔合照一張...
岩岩所介紹既都係美容師好基本要有既裝備...下次再介紹多d
大合照一張!!!!
